ضاقت بي الدنيا و صدري بعد ضاق
ودي اشق الجيب من الضيق ودي
افكار تشقيني مع الليل تنساق
و افكار لا زادت همومي تهدي
اضحك و اسولف كن ما نيب عاشق
و انا قتيل العشق من فعل يدي
و العشق كم دمر و كم نشف ارياق
وكم عاشق صد و تندم و ردي
و كم عاشق متعب ورى خله الساق
حبل الوصل يرخيه نوب و يشدي
و انا سماء جوي غيوم و براق
هبت عواصفها و لابه مصدي
عقب التواصل و اللقاء عقب الاشواق
ظروف وقتي صارت اليوم ضدي
بانت بوادر هجر و جروح و ارهاق
و دمع الفراق و سهر ليل و تحدي
و لو قلت ابصبر عنه مانيب مشتاق
انا اشهد انه كذب ما هوب جدي
و شلون بصبر و الغلا فيه دفاق
و طيفه مخاويني يغيب و يردي
اما يجي و يصير للقلب ترياق
و الا يروح و دمع عيني بخدي
الليله هذي بعثرت كل الاوراق
حاولت اعديها و عيت تعدي
و سلامتكم
منقول
_________________
موضوع: ضاقت بي الدنيا 
الثلاثاء يونيو 05, 2007 3:15 pm
