الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 تصميم استايل احترافي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Oo.إشراق.o0

avatar

عدد الرسائل : 67
تاريخ التسجيل : 18/05/2007

مُساهمةموضوع: تصميم استايل احترافي   الجمعة يونيو 22, 2007 3:22 pm

بسم الله الرحمن الرحيم
والصلاة والسلام على اشرف الانبياء والمرسلين
هذا الدرس مهم للغايه :: افضل مشاهده لهذا الدرس هو التصفح 1024
اللي بيطبقه لن يحتاج لتركي الودعاني او دروسه
يعني ركز وراح توصل
استغرق هذا الدرس الوقت الطويل لاعداده
فاتمنى من الجاديين التركيز وقبل السؤال عن اي نقطه لابد قرائة الدرس وتطبيقه مره وثنتين وثلاث

اللحين نقول بسم الله وننطلق الى الدرس

الدرس عباره عن كيفية تصميم برواز احترافي متكامل + تقطيعه الى اجزاء لكي يركب على المنتدى

نقوم بفتح عمل جديد وافضل مقاس هو :: [الطول = 450 بيكسل :: العرض = 780 بيكسل>

ونختار الخلفيه بيضاء ثم نضغط ok



الان نذهب الى منسق الالوان ونختار اللون اللي راح يكون لون الخلفيه



ناخذ السطل ونصبغ الخلفيه باللون اللي يعجبنا (كل شخص وله ذوق )



اللحين صبغنا الخلفيه



بعدها نروح من اعلى برنامج الفوتوشوب ونختار view :: ثم :: Exstras



وذلك ليتضح التخطيط على التصميم ومنها نقدر نضبط الاستايل بمقاسات دقيقه

(زمان كنت استخدمه واما الان فاصبح الوضع شبه عادي ) اللي اقصده هي كم مره وبعديم نتعود

اللحين نشوف شكل التخطيط على التصميم



نضيف لير جديد ومازال التخطيط مكانه ولاحتى نفكر نشيله الا في حاله الانتهاء او مشاهدة التصميم



اللي بتشوفونه الان الخلفيه + عليها التخطيط + عليها اربع ارقام انا اضفتها بس للتوضيح

تروح اللحين تختار اداة التحديد ومثل ماقلت انا مرقمها يعني لاحد يروح يرقم عنده فتلخبطون التصميم

اللحين انتوا تشوفون الارقام

بالله ركزوا معاي

اللي يساعدنا في الدقه هو التخطيط والتخطيط كل مربع صغير فيه حطته برقم

من اليسار عد معاي (1:: 2 :: 3 :: 4)

انا خليت واحد فاضي وبديت من المربع الثاني وانتهيت بنهاية المربع الثالث

اسباب البدايه من 2 هو ترك مجال بين جدار المنتدى والعمود

بالنسبه لاختياري 2 + 3 بس (عشان يكون العمود شكله مناسب ولاهو كبير حيل ولا هو صغير )



ركزوا واللي يرحم والديكم لاحد يروح يحدد على الطبقه الاساسيه

انا قلت افتحوا لير جيد وحددوا باداة التحديد من بداية رقم 2 الى نهاية رقم 3

اللحين نروح ناخذ اداة سحب الالوان او تدرج الالوان



ونختار اللي في الصوره القادمه بالضبط ماعدا (اختيار اللون بالنسبه لكل شخص وذوقه)




ناخذ اداة سحب اللون ونسحب من اليمين اليسار

من تحت الى فوق او من فوق الى تحت لا لا لا ومالكم لوى




اللحين على نفس اللير حق العمود نروح ندلع العمود عشان يكون هناك شكل مقبول

على فكره تقريبا شكل العمود اللي سويته هو ابسط الاشكال ولافيه ذاك الاحتراف

الاحتراف في التصميم يعتمد فقط على مهارتك انت وبس

نروح مثل ماقلت على لير العمود ونضغط على حرف f :: ثم :: stroke...




ونحط هالاعدادات




الى اللحين اقول كل واحد وذوقه في اللون

اللحين قضينا من شئ اسمه تصميم عمود ايسر واعطيناه تحت بلون اثقل او قريب منه

طيب :: العمود الثاني ماراح نصممه اللي في اليمين

عشان نرتاح :: مالنا غير ندبله اجل ونضغط على لير العمود بالماوس الايمن Duplcete layer



اللحين العمود اندبل وش السواه به

نسحبه الى اقصى اليمين



ومثل مارقمت انا الجهه اليسرى . اللحين رقمت الجهه اليمنى عشان تكون الوزنيه تمام التمام




اللحين نروح من اعلى برنامج الفوتوشوب ونختار view :: ثم :: Exstras



ونزيل التخطيط :: نبي اتميلح شوي باللي سويناه



================================================== ================

الاعمده وقضينا منها والحمد لله

اللحين جينا على الهيدر

نضيف لير جيد



طيب اللحين نروح من اعلى برنامج الفوتوشوب ونختار view :: ثم :: Exstras

عشان نرجع التخطيط



هالنقطه بالذات يبيلها تركيز

انت اضفت لير صح!
ورجعت التخطيط

وش مطلوب منك في هاللير

المطلوب تروح للتصميم حقك وتعد من فوق 12 مربع وانت وبكيفك

بس حط هيدر عليه الكلام



تروح للادوات وتاخذ اداة التحديد

وتحدد من اقصى اليمين الى اقصى اليسار

يعني مايحتاج تحدد عرض معين

كل اللي عليك شئ واحد انك تصك التحديد من الطرف الى الطرف




اللحين مازلت محدد

تروح تاخذ اداة التدرج اللوني



وتختار اللي موجود بالصوره



وتسحب من فوق الى تحت او من تحت الى فوق

من اليمين الى اليسار او العكس لا

بعد ماتسحب :: ازل التحديد وذلك بالضغط على Ctrl+D

اوكيه



وهذا الهيدر قضينا منه

يالله دلعوه

اعطوه تحديد وذلك بالضغط على حرف f :: ثم :: stroke..



واعطوه هالقيم وكلاً على راحته



راح يكون بهذا الشكل وهذا تصوير مقطعي




قضينا من الهيدر + الاعمده

بقى علينا الفوتر

نضيف لير جديد



ثم نستخدم اداة التحديد ونحدد الجزء الاسفل بمقاس اقل من الهيدر



وناخذ اداة التدرج اللوني



ونختار اللون المطابق للهيدر والاعمده



نسحب من فوق الى تحت او من تحت الى فوق

من اليمين الى اليسار لا او العكس

بعد ماتسحب :: ازل التحديد وذلك بالضغط على Ctrl+D



تم الانتهاء بحمد لله من تصميم [هيدر + فوتر + عمود ايمين + عمود ايسر>

الان احفظ العمل




انتبه لصيغة الحفظ



واحفظ العمل على صيغة الفوتوشوب للرجوع اليه فاي حال لاقدر الله ان كنت اخطئت

ثم اقفل الفوتوشوب وخذ قصد من الراحه وكوب شاهي

واللي راعي شبة النار يشبها عاد مع شاهي شئ ثاني


================================================== ============

انتهى هذا الدرس الخاص بالتصميم استايل الاحترافي

اي اضافات في الهيدر او الفوتر تعتمد على الشخص نفسه ومدى معرفة بالدروس التي استفاد منها جراء مروره بالمنتديات

ملاحظات مهمه :: عند وضع اضافات على الهيدر او الفوتر فلابد ان تنتبه لنقطة الالتقاء

اللحين انت صممت هيدر وحطيه فيه اسم المنتدى وصور ومدري ايش

لاحظ ان فيه منطقه اسمه تمدد المنتدى اما مع توقيع كبير او واحد جالس يتصفح المنتدى على شاشه 1024 يعني انتبه ثم انتبه ثم انتبه

ولا بد يكون نقطة الالتقاء في الهيدر تتوافق مع الفوتر

شوف الصوره هذا وراح تفهم وش اعني



اي خلل في اللتقاء مثل تخليه صوره كامله ومع التمدد راح تشوف ان الصوره مقصوصه بشكل غبي وماراح ترتاح مع الاستايل

فتاكد انك بتتعب.

تفسير اخر لنقطة الالتقاء او التمدد :: هي النقطه التي تكون بين جزئي الهيدر المقصوصه والتي تكون بحالة تمدد في شتى الاوضاع ولاتاثر في شكل المنتدى

فاذا ماضبط هالنقطه فماراح تسلك في التقطيع وتقول ياليت وياكيف

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://asora2.in-goo.net
دعاني الشوق

avatar

عدد الرسائل : 128
تاريخ التسجيل : 18/05/2007

مُساهمةموضوع: رد: تصميم استايل احترافي   الجمعة يونيو 22, 2007 3:31 pm

درس رائع
وشرح وافي وكافي
مجهود تشكرين عليه
اختي المتالقه
Oo.إشراق.o0
فقد ذللتي الصعاب
وجعلتي الصعب سهلاً
حفظك الله ورعاك
ودمتي بخير
تحياتي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تصميم استايل احترافي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: °o.O (رحلة مصمــمـ O.o°-
انتقل الى: